ربي يا خالقي تلطف بينا
و بعد علينا هذا المرض الشين
و لا تحفينا على فعليتا
الكورونة رها ديرا حالة فالسين
يا ربي نجينا وبعدها علينا
و رحم جميع الموتى المسلمين
الله يجعل خاتمتينا تكون زينا
و أعطيتا الصحة ما دمنا حيين
خلي لينا ركبة و عينينا
و ارحمنا برحمتك يا ارحم الرحمين
ما نغبن حد ما يغبنا
و أرزقنا برضاك و رضا الولدين
الموت سترة ولا حيات الغبينة
احفضن بلادنا و شفي المصبين
رنا مهنيين الله يدون علينا
الحمد لله يا رب العلمين
ألجية من عمدك نتحملها بسيف علينا
و الله يهدي الناس الغلطين
من فعالهم ربي غضب علينا
و الهرب غير ليك ما عندنا وين
يا الله خلي لينا العقل و ككينا
و فكرنا بالغفلة و يوم الدين
أما ا لدنيا فنيا ما دوم لينا
أخرتها قاع منها رحليـــن
الموت غير هيا الي كاينا
لكان دوم لا دام للاولين
و خاتم الأنبياء محمد نبينا
الي فضله ربي على العلمين
في يوم القيامة يشفع فينا
و يدخلنا للجنة مع الصلحين
آمين يا رب العلمين
موضوع: يا ربي يا خالقي تلطف بينا 
الثلاثاء 17 نوفمبر 2020, 11:26 am
