ياغايتي لا تحسب اني نسيتك=ماغبت عني ****ى القلب مره
يهل دمعي كل ماامر بيتك=واقول جعلك في نعيم ومسره
جفيتني فالحب ولاجفيتك=ومن حب له شخص(ن) صعيبه يضره
ارخصت مااملك وبحياتي فديتك=ولاذقت من كاس الهوى غير مره
قلي وش اللي باقي" ماعطيتك=وانته تخلي داخل القلب حره
رح للمكان اللي بوسطه لقيتك=واتشوف لي حوله ثمانين جره
اقول ليتك مار مافاد ليتك=انك ولو صدفه مكانك تمره
اسعى ورا وصلك ولا شفت ليتك=حبل الوصل يمك بقوه تجره
مااخطيت معك ولا بعمري هجيتك=وياكيف ابا اهجا ياهل العرف دره
الا بقطع الوصل مره نويتك=واخذت في ميدان الاحزان كره
يعني بغى ينقال مرحوم ميتك=اللي خيالك في ضميره مقره
ارحم شويه بالمحبه نصيتك=شوفك يساو الكون بحره وبره
وانكان تتثبت باني هويتك=دليل واضح مابه احد" يغره
شفني على درب" مشيته قفيتك=وانا على المقفي قبل مااتشره
واما رجعت ولا بعمري لقيتك=ماقول غير الوقت يكفيك شره
موضوع: ما ذقت من كاس الهوى غير مره 
الأحد 04 فبراير 2018, 9:19 pm
