آلاء أبو سفيان... بين انسان العين ورموشك

من طرف **jassim** الأربعاء 31 يناير 2018, 3:53 pm

بين انسان العين ورموشك

كنتي الشجرة الضلها رامي
جوه همومي وفوقي قوافي
وكنتي البذرة النبتت فيني
عيون الشوق( الشوك) الدافي
ثمار التعب التحوي حواسي
وريداً منك بالجد كافي
اتمحورتي في جوف الفكرة
واتجسدتي في ذاتي مرافي
عارفة متين القلب بيبصر؟
لما يحسك نبضو الواقف
بين انسان العين ورموشك
عارفة متين القلب بحسك؟
لمن تطلعي من ايحاءو
قصيدة حروفا اتولدت دابا
وقبل وجودك كانت مافي
بتغتابك توباً طاهر
ومن تحنانك افرشو لحافي
يا الضل رمشك
صنقر فوقو الوجع الواصل
لي عِن دارو
عصاهو الوحشة
وشايل في اعماقو الدهشة
وطعٌن شوكو الفرح الحافي

من طرف **عبير الورد** الخميس 01 فبراير 2018, 6:16 pm

كلام جدآ جميل مفيد

يعطيك ربي العافيه

آلاء أبو سفيان... بين انسان العين ورموشك

آلاء أبو سفيان... بين انسان العين ورموشك

رد: آلاء أبو سفيان... بين انسان العين ورموشك